სსიპ „ილია წინამძღვრიშვილის სახელობის კოლეჯში“ 2024 წლის საშემოდგომო მიღებაზე, ჩარიცხული სტუდენტებისთვის გრძელვადიან პროფესიულ საგანმანათლებლო პროგრამებზე სწავლა დაიწყო.
კოლეჯის სააქტო დარბაზში სწავლის დაწყებისადმი მიძღვნილი ღონისძიება გაიმართა. დამსწრე საზოგადოებას მისასალმებელი სიტყვით მიმართა კოლეჯის დირექტორმა, თეიმურაზ ასათიანმა და მასწავლებლებს და სტუდენტებს სწავლის დაწყება მიულოცა და წარმატებული სასწავლო წელი უსურვა.
შეხვედრისას ასევე კოლეჯის დირექტორმა,პროფესიულ სტუდენტებს გააცნო კოლეჯის მისია, ხედვა, ღირებულებები, სტუდენტის უფლება-მოვალეობები და სასწავლო პროცესთან დაკავშირებული საკითხები.
ილია წინამძღვრიშვილის სახელობის კოლეჯი სტუდენტებს თანამედროვე სტანდარტების მატერიალურ-ტექნიკური ბაზასა და პროფესიული საგანმანათლებლო პროგრამების შესაბამისად აღჭურვილ ლაბორატორიებს სთავაზობს, რაც სტუდენტებს საშუალებას აძლევს, საკუთარი იდეები განახორციელონ ინოვაციური ტექნოლოგიების დახმარებით.
კოლეჯი კიდევ ერთხელ ულოცავს სტუდენტებს სწავლის დაწყებას და გამოთქვამს მზაობას, სასწავლო პროცესში მათი ინტერესების გატარებისა და კარიერული მხარდაჭერის შესახებ.
